” બાલ મંદીર નો બાંકડો , છાતીએ રૂમાલ
ગાલ કાળા અશ્રુથી , કાજલ નો કમાલ
સાઇકલ પૈડાં ચારની , ખડ ખડ ખડ અવાજ
પાણી જૂલે ડોકમાં , દફતરમાં અનાજ “
” લાંબી સોટી રાખે , માસ્તર કરે રુઆબ
ના વાંચેલા પ્રશ્ર્નોનો, એ માંગે જવાબ
ત્યાંતો ડંકો ગાજે લાંબો , જમવાનો વિરામ
કેરી આંબલી જામફળ , ફિકા કાજૂને બદામ “
” તહેવારોની લ્હાણી , હોય અનેરો ઉમંગ
ફોડયું લવીંગિયું , જાણે જીતી હોય જંગ
હોય ભલેને એક , એક ટિમ સમાન
ધોક્કો બને બેટ , ફળિયું હોય મેદાન “
” દસમુ ‘ને બારમું આવ્યું , અપેક્ષાઓ લાવ્યું
કોઈ સફળ કોઈ નિષ્ફળ , બધાને નો ફાવ્યું
રાખો નજર લક્ષ્ય પર, જુઓ માછલીની આંખ
મેં ધીરેથી પાછળ જોયું , ન રહી એક પાંખ “
” માયા મિલકત મોજના , એવાં આવે તુફાન
એ બાળપણના ખેતર , બને સુન્ન વેરાન
પાઠ ભણ્યા ધગશના ,’ને પુછાણા ત્યાગ
દૂર હતું એ માપી લીધું , નજીકનો ન જડ્યો તાગ”
” મન ઝંખે એ મિત્રોને , એ નિ:સ્વાર્થ સંબંધોને
જીવન કુરુક્ષેત્રમાં , આજે લડતા શૂરવીરોને
વ્યોમ એની યાદી આપે , શબ્દોને વરસાવી
સફળ થાય કવિતા , બને કોઈ તાળાની ચાવી “
-શ્યામ શાખરા