રહેવા દે

રહેવા દે….

દરિયા ! તને તારું મુબારક,

મને મારી ઝૂંપડીનો રાજા રહેવા દે.

ના જોઈએ તારા વીશાળ કિનારા,

મને મારી નાનકડી ગલીઓમાં વહેવા દે.

દરિયા ! તને તારું…..

નથી મારી પેટાળમાં અઢળક ખજાના,

હસતા ખેલતા દુઃખો થોડા સહેવા દે.

દરિયા ! તને તારું…..

નથી થતા તારી જેમ ગર્જનાના નાદ,

મૌનથી કાલીઘેલી ભાષામાં થોડું કહેવા દે.

દરિયા ! તને તારું…..

ક્યાં જીવવાની અહીં અમર થઈને જિંદગી ?

બસ વધુ શુ કહેવું. અહીં આટલું રહેવા દે.

દરિયા ! તને તારું…..

– સખી….(ભાવિક ગઢાદરા)