કોરું સરવર ને ભીનો હંસલો
બોલકી હૈયાની ફાળ…
હે જીવ તારા ગામતરા કિયા રે ગામ..
કેવો અહેસાસ, કેવો શ્વાસ
ને કેવી તે આસની આ પાળ…
હે જીવ તારા ગામતરા કિયા રે ગામ..
મૂંગી આ વેદના, ઘેરી સંવેદના
ઘેરા એના આભ ને પાતાળ…
હે જીવ તારા ગામતરા કિયા રે ગામ.
પંચમહાભૂતનું કેવું આ પૂતળું
સમરણ પણ કેવા રે વાચાળ…
હે જીવ તારા ગામતરા કિયા રે ગામ.
લાંબી આ જાતરા, લાંબી રે કેડિયું
ઝળહળતું કલરવતું, ઝંખનાનું કોડિયું
કોહવાશે કાયાનો કાળ….
હે જીવ તારા ગામતરા કિયા રે ગામ.